Sajak Lawang Peuting

Posted on March 29, 2008 by sundasmp3bogor

Sajak Lawang Peuting

Trijata , cuang lawungkeun paneuteupKa lawangsaketeng peuting nu katembong nyangkeredong

Sanggues mipit gurat-gurit lambaran layung panungtung

Rek labas maratkeun ketak , tuluy nyusud kingkilaban

Nu kawasang tingbarasat lir suar panuduh lampah Trijata , cuang miang ngitung gunung

Da geuning lempagan waktu terus ngabeledig ringkang

Ti dayeuh nyedek ka kampung , milang reuma meunang lewang

Kari meretkeun geugeut, nyingraykeun sewu rurungsing

Humariring mapag peteng sapanjang liliwung peuting Trijata , cuang narabas halimun

Nu ngadingding mindingan lungkawing jungkrang

Metik genslang cika-cika satengahing hiuk wanci niruk mongkleng

Sugan bulan rek kasampeur ngempur di mumunggang jempling

Ngagulubur ngahibaran jalan panjang ka sagara

Dini

7B

Filed under: Uncategorized

« »

5 Responses

  1. arin, on November 11th, 2008 at 2:32 pm Said:

    Hatur nuhun..
    Sajakna sae…

    Reply
  2. sundasmp3bogor, on November 12th, 2008 at 1:41 pm Said:

    Hatur Nuhun Arin parantos ngaluuhan blog bahasa sunda…

    Reply
  3. kang moen, on December 14th, 2008 at 5:43 am Said:

    ngiring ngalangkung ah

    Reply
  4. naptaliE,,,_, on March 10th, 2009 at 10:25 pm Said:

    SaeE,, pi5an ! HaTuR nUHün kang9o tUga5 !

    Reply
  5. kang croger_ganteng, on August 10th, 2009 at 9:58 am Said:

    kang ngadameldeui atuh……………..

    Reply

Leave a Reply